فسخ الخطوبة
فسخ الخطوبة
مفيش اوحش من احساس القفله ناحية حد كان قريب منك .. احساس يخليك ملكش نفس حتى تبص ف وشه ولا تدخل معاه ف اي نقاش او كلام بعد ما كان هو الشخص اللى كنت مبترتحش غير ف الكلام معاه ، احساس صعب اوى و غريب انه يحصل بينك و بين حد كان غالي وكان واخد مكانه لا يستحقها ومكنش يحلم بيها .. انت ممكن تعلم الناس أى حاجة فى الدنيا ماعدا الجدعنة و الإحساس و الأصول و الذوق .. دى حاجات بتبقى فى الدم ماينفعش فيها تعليم .. مش هينفع تعلم حد يبقى جدع وابن اصول ولا إنه يبقى عنده دم !!
بس لو ركزنا شويه ف السبب هنعرف ان اللى انت و صلتله دا هو التطور الطبيعي للعلاقه دى
اما تدى من غير حساب وتلاقي اللى قدامك بيدى بالحساب ، اما تعمل كل حاجه بحب وجدعنه لمجرد بس انك تشوف ضحكته و يكون رد فعله بارد
اما تجرى عليه وانت فاتح دراعاتك عشان تحاوطه جوا حضنك ف يلف هو و يديك ضهره وانت هوب تلاقي نفسك لابس ف الحيطه !!
اما تخلص و يبقي هو كل حياتك و تبقي انت جزء صغير اوى ف حياته ...
اما تفتكره ليك كتاب مفتوح وانت قاري كل اوراقه وتكتشف انك مقريتش حتى الاسم اللى ع الغلاف ..
اما تشوفه ملاك و تفضل دايما تقول ازاى الملاك دا ف حياتى بجد دا كتير عليا اوووى وبعدين تكتشف انك كنت نعمة ف حياته و هو مكنش يستاهل حتى تراب رجليك !!
ساعتها هتتقفل منه قفله هتوصلك انك تكره الهوا اللى حواليك عشان امتزج ب انفاسه ..
هتتقفل منه وهتتمنى يختفي من حياتك عشان كل يوم وجوده هيفكرك بسوء اختيارك و قد
ايه أنت كنت غبي .. احنا محتاجين اعاده تاهيل لنفسنا !!
ليست هناك تعليقات