سلوك عض الطفل

(تحليل سلوك عض الطفل

(اهم الاسباب لعض الطفل لغيره فى اربع انواع وفئات)

اولا_( العض الاستكشافى )

_ يعنى ايه العض الاستكشافى يعنى ان الطفل بيستخدم العض كوسيله من وسائل الاستكشاف الاشياء والحاجات الموجوده حوله وكل حاجه توصل لفمه وده اللى بنلاحظه اكتر عند الاطفال اللى بدءت تمشى لانى الاطفال ده بتميل لعض كل حاجه بتوصل لايده لانى الطفل فى المرحله دى بيبقى لسه فى مرحلة الفميه (اللى هى مرحله التحسس بالفم )

_ كمان هنلاقى انى فى فم الطفل اعصاب اكتر من اى مكان تانى فى جسمه علشان كدا بنلاقى الطفل اى حاجه بيلتقطها من الارض بيحطها فى فمه لانى الفم بيسمح ليه ان يحقق رغباته خصوصا اللى بتتعلق بسد جوعه مثلا او الاحساس بالراحه والاطمئنان زى اللى بيلاقيها فى الرضاعه فطبيعى ان تكون ردة فعله الاولى للعض بالفم هى استكشاف كل حاجه موجوده حوله من خلال الفم

ثانيا_ (العض الانفعالى )

_ فالطفل بيلجا للعض وكمان الضرب للاشخاص اللى حوله سواء اطفال او اشخاص كبار لما بلاقى نفسه فى ورطه ومش قادر يحل المشكله اللى هو فيها وبتظهر المشكله دى دايما لما بنعلم الطفل ازاى يعلب مع الاطفال من اقرانه او مع اشخاص كبار

_لكن ممكن ان نخفف من مشكله العض الانفعالى زى نخلى وقت اللعب قصير مع الطفل مع مجموعه قليله جدا من الاطفال والالعاب علشان طبها ميحصلش ليه تشتت وهيبرهولازم نبقى مركزين وقريبين اوووى من الطفل ولما تلاقى الطفل هيقوم (بعض او ضرب غيره من الاطفال او الاشخاص) انت كاخصائى تتدخل وتقوله (متعضش او متضربش لانى بكدا بتجرح وبتوجع غيرك ) بعدين نسحب الطفل من الحاله والوضع اللى هو في ونفضل قاعدين مع الطفل لغايه مايهدا

واشرح ليه قواعد ونظام اللعبه اللى اخل بقواعدها ونظامها ولكن بكلام قصير جدااا وواضح علشان الطفلل يفهمه واشرح ليه السلوك السئ اللى عمله بطريقه هاديه وسليمه

ثالثا _ (العض بسبب حاجه الطفل للشعور والاحساس بالقوة )

_ وده بيحصل فى الحاله اللى بيلاقى الطفل نفسه محتاج انه يحس بانه قوى والحاله ده دايما موجوده بين الاطفال فى الحضانات وفى البيوت بين الطفل واخوه الاكبر او الاصغر

_وممكن نخفف من النوع ده من العض بانى نعزز احساس الطفل ونحسسه بانه محمى وكمان مفيش خطر عليه او نوضح اننا مهتمين بيه زى باقى اخوات او الاطفال اللى فى الحضانه ولو تكررت الحاله دى تانى نسحب الطفل من الحاله والوضع اللى هو في ونفضل قاعدين مع الطفل لغايه مايهدا

واشرح ليه قواعد ونظام اللعبه اللى اخل بقواعدها ونظامها ولكن بكلام قصير جدااا وواضح علشان الطفلل يفهمه واشرح ليه السلوك السئ اللى عمله بطريقه هاديه وسليمه

وكمان يلعب لوحده فتره وطوال الفتره دى نتكلم معاه انى بيلعب لوحده بسبب سلوك العض وانى هيلعب مع اصحابه بس ميعملش السلوك ده تانى

رابعا _(عض الطفل بسبب التوتر )

_وده من اكتر الاسباب اللى بيتعرض ليه الاطفال فى بيوتنا وفى الشوارع وفى النوادى والحضانات ودى اللى بيبقى الطفل فيها تحت ضغوط عاطفيه قويه زى (الفرحه الزايده عن اللازوم ) فطفل مبيعرفش يعبلا بفرحته الا بالعض او بسبب الانفعال والغضب اللى قمت بشرحه فى (الحلقه الولى ) بسبب رفضه لحاجه او لشغل او لاحتياجه لشئ فمش عارف يعبر الا بالعض او احساسه بعدم الاهتمام من الناس اللى حوليه زى ما بيحصل لما بيبقى فيه مولود جديد فى العيله فبياخد الاهتمام كله منه فهنا بيحس الطفل بالتوتر ويقوم بفعل العض

_ وبرضو فيه سبب كنا هننسى نتكلم فيه هو التسنين فهو مرحله لازم يمر بيها الطفل للعض علشان يخفف من الوجع والالم من تورم اللثه وهنا بيستحسن ويفضل يعنى وجود لعبه نضيفه تبقى مخصصه للعض علشان يعضها (زى كوره صغيره من البلاستك)

وهنا لازم نعرف ونحدد السبب ونراقب الحاله علشان نعرف سبب العض ونقد نتجنبه فيما بعد

علاج سلوك العض

==========

اذا كان سلوك العض ناتج عن وسية دفاع او تعبير عن الغضب

اذا قام الطفل بعضك لاتشعرة بانك تتألم او تقوم بنزع يدك وتجعلة يحصل على مايريد بل اشعر الطفل انك لاتكترث ابدا بما يفعل

هناك اسلوب اخر عندما يفعل ذلك

====================

عند قيام الطفل بهذا السلوك قم بوضع يدك داخل فم الطفل وقوم بوضع يدة داخل فمك حتى تشعرة بملمس اسنانك سيحاول دفعك وسيحاول سحب يدة من فمك او سيحاول عضك واذا بدء بالضغط على اسنانة ابدء انت بالضغط سيبنتهى السلوك فورا كرر العملية كلما حاول عضلك

هذة الاداة تشبع الطفل من سلوك العض ايضا اذا كان راجع الى ضعف فى اثارة التذوق او حاسة التذوق