مواقع مهمة لطلاب الدراسات العليا
شوية مصادر، بعيدا عن بنك المعرفة والمنظومة لأنك مش هتستفاد منهم في حاجة والبحث فيهم مش اد كدا ..
دا موقع اسمه "أرشيف" عبارة عن مكتبة في كتب تخص جميع المجالات، وكتب لناس مشهورين ومهم جدا انك تقرأ منها، انا شخصيا استفدت منه.
مكتبة "نور" انصح بها في العلوم الشرعية بالتحديد والعربية، مكتبة مهمة جدا في كتب تخص كل المجالات ولكن انا استفدت منها في الشرعي والعربي بصراحة.
"جوجل بوك" من إسمه، عبارة عن موقع في جوجل تبحث فيه عن الكتب اللي حضرتك محتاج تاخد منها البحث، ممكن تبحث بعنوان البحث مفيش مشكلة هيفيدك برده.
"مكتبة الكتب" الجمال كله في المكتبة دي؛ لأنها مكتبة مترتبة ومتقسمة لعدّة اقسام بين قسم قانون، محاسبة، شرعي، ... وغيره من الأقسام هتقدر تبحث فيها وفي المجال اللي يخصك (مفيدة جدا).
"جوجل اسكولار" للي ميعرفش جوجل اسكولار هو عبارة عن موقع جوجل تخصص مقالات ادخل اكتب عنوان المقال بس وهتلاقي ١٠٠ حاجة تخص المقال تبعك.
موقع "بي دي اف درايف" هو موقع اجنبي بيضم العديد من المقالات والكتب الأجنبية، يستفاد منه اهل اللغة، وبصراحة مجربتهوش، لكن اعتقده هيفيد بعض الناس.
ليست هناك تعليقات